बम बम भोले / श्रीस्नेही

बम-बम भोले डमरू वाले पूजभौं मसान।
हेरऽ हेरऽ औघड़ दानी राखीलेॅ हो मन॥
कंचनऽ के काया पैलॉ, पैलेॅ छी अटारी।
तैयो जान जाय छेॅ बाबा मरै छी कचारी।
दुखिया केॅ दुक्खऽ सें अबेॅ दिलाबऽ तरान।
हेरऽ हेरऽ औघड़ दानी राखी लेॅ हो मान॥
केना तजि देबै बाबा घऽर-घरनियाँ।
येहऽ सबेॅ तो र्हे करलऽ तो र्हे सौंसे दुनियाँ॥
बूढ़बा केॅ छोड़ी कौनें करेॅ तै निदान।
हेरऽ हेरऽ औघड़ दानी राखी लेॅ हो मान॥
कुच्छू नै देभौं बाबा छोड़ी केॅ भगतिया।
पूजभौं मसान बाबा जागी-जागी रतिया॥
हम्ही तोर्हऽ दैछना बाबा हम्हीं तोर्हऽ दान।
हेरऽ हेरऽ औघड़ दानी राखी लेॅ हो मान॥