अंगना में नन्दरैया, देखी-देखी नितरैया, दैया, नाचत कन्हैया ।।
ताली देथीं जशोमती मैया, रे दैया ।। नाचत कन्हैया ।।
झमकी-ठमकी तातकथैया, रे दैया ।। नाचत कन्हैया ।।
नीलमणि लजवैया, नाँगटे देहा शोभैया, दैया ।। नाचत कन्हैया ।।
बथंना केॅ धूरी धुसरैया, रे दैया ।। नाचत कन्हैया ।।
चूड़ा में मोर पाँखैया, हाथें बलैया, दैया ।। नाचत कन्हैया ।।
दाँड़ा-पैरीं घुँघरू पिन्हैया, रे दैया ।। नाचत कन्हैया ।।
वेदान्त निचोरैया, नाचे भुवन गोसैयाँ, दैया ।। नाचत कन्हैया ।।
भवप्रीताक नैया खेवैया, रे दैया ।। नाचत कन्हैया ।।