ॾाहप ऐं डिंगाईअ जो फ़ैसलो
ॾाहा ऐं डिंगा
पाण न करे सघन्दा
खेनि करणु बि न घुरिजे
जो, इएं, करण सां
पासख़ातिरी थियण जो अन्देशो
सौ सेकड़ो रहन्दो।
ॾाहे खे डिंगो
ऐं
डिंगे खे ॾाहो
ज़ाहिर करण वारा, फै़सलो त ॾियनि था
पर उन वक़्ति
सन्दनि ॾाहप ते
डिंगाई सुवार हून्दी आहे।
इन करे
अचो त तलाशियूं
उन बहादुर डिंगे खे
जो ॾाहे खे ॾाहो चवण खां
न हिॿिके
उन साहसी ॾाहे खे
जो डिंगे खे डिंगो तसलीम करे
शायद इन कम में
कुझु सदियूं ॿियूं बि लॻी वञनि!