मुंहिंजा पेर हलन्दा था रहनि
मंज़िल ते पहुचण बाद बि
उन्हनि में को रोलाकु वसे थो
ऐं मुंहिंजा पेर वरी
डूंगर ॾारीनि था
इएं हिकु सिलसिलो
मोती दर मोती
जुड़न्दो वञे थो
माल्हा ठहन्दी वञे थी
भटिकाव में
जंहिं जबल वटां लंघां थो
उन जे क़दामत जा गुण ॻायां थो
(ऐं पंहिंजो दड़ो विसारण लॻां थो)
जंहिं ज़मीन ते पेरु रखां थो
उन जी मिटी पेशानीअ ते लॻायां थो
(ऐं मुंहिंजे मिटीअ जो हॻाउ विटिड़जे थो)
जा ॿोली बुधां थो
मुंहिंजी ज़बान ते चढ़ी वञे थी
(ऐं... मुंहिंजा लफ़्ज़ सिरिकण लॻनि था)
धीरे धीरे
मोती दर मोती डिघी थीन्दड़ माल्हा
मुंहिंजे चौधारी वकोड़जण लॻे थी
मूं वटि पेर ससुईअ जा आहिनि
दिल लीला जी आहे।