लीका मूं ॾिइा आहिनि
मां खेनि सुञाणां
तरह तरह जे रंगनि वारा
नीरा, कारा, पीला, ॻाढ़ा, गहरा हलका
अछा लीका मूं घटि ॾिइा आहिनि
रिश्तनि जा इहे लीका
रंग मटीन्दा रहन्दा आहिनि
हथ जे लीकुनि वांगुरु
ठहन्दा ऐं डहन्दा रहन्दा आहिनि।
इहे लीका
तपाईन्दा आहिनि।
लुछाईन्दा आहिनि।
भोॻाईन्दा आहिनि।
के लीका समाज जा आहिनि
जिनि खे पार करे नथो सघां।
के लीका,
धर्म लीका आहिनि
जिनि ते हलणु ज़रूरी आहे।
धरतीअ ते लीकियल
सियासत जा लीका,
इनसान खे
इनसान खां जुदा करे
खेसि
अलगु सुञाणप था ॾियनि
मां हथ में,
उहो लीको थे ॻोल्हियां
जेको सुपननि खे,
साभया सां जोड़ीन्दो आहे।
रस्तनि खे
मंज़िल ताईं पहुचाइन्छो आहे।
कहिड़ो आहे उहो लीको,
जेको
बादल खे बूंद
ऐं बयाबान खे
बोस्तानु बणाईन्दो आहे?
कहिड़ो आहे उहो लीको,
जेको हथ कटियलनि जो
भागु ठाहीन्दो आहे?
कहिड़ो आहे उहो लीको,
जेको
कंहिं खे मथे पहुचाईन्दो
ऐं कंहिं खे
हेठि केराईन्दो आहे?
कहिड़ो आहे उहो लीको,
जेको ज़िन्दगीअ खे
मौत खां छॾाईन्दो आहे?
धरतीअ खां आसमान ताईं फहलियल
उन लीके जी
तलाश में आहियां।