भीड़ ऐं
सड़कुनि सां
डोड़ पुॼाईन्दड़
सड़कुनि सां जकिड़ियल फुटपाथूं
स्थितियुनि जे तहनि अन्दर
फहलियल मजबूरियूं
बस
कुझु सिकनि जी ॾ-वठु हुई
सिका
हुनजे मुस्तक़बिल जो परज़म।
हुन जे अखियुनि में रोशनीअ मोडु खाधो
माज़ीअ
ऐं
हाल जे
स्थितियुनि ते फहलियल अंधकार खां
हुन अखियूं बंद करे छॾियूं
पोइ बि-
रत जे स्वाद खां गै़र-वाक़िफ़
फिको मासु
बुख मिटाइण लाइ काफ़ी न हो
महानगरीअ जे
बुलन्द मीनारनि ते चढ़ी
मैटरनिटी होम ऐं
सैनीटोरियम
ऐं
मसाणनि जे विच में
मुफ़ासिलनि जो सुसी वियलु विस्तार ॾिसी
पंहिंजी चेतना अॻियां
कुरुखेतनि जा श्लोक दुहराए थो।