बुख / घनश्याम सागर

मौत जो हिकु ॿियो
विकृत
भयानक
विशाल रूपु, चेहरो
ज़ाहिर थीन्दे ई
अचानक आबादियूं
लमहनि में तब्दील थी वेयूं
बेतरतीब बेतरतीब
जिते किथे
भोरि थियल मकाननि जा
चिल्लाईन्दड़ भितर
आखि़र
ख़ामोश रहिया
ऐं
गरम मास जा ढेर

गोया किरी पिया कोमा में
हमेशा लाइ
ऐं
पंहिंजी असुलियत ॾेखारण खा़तिर
बदबू फहलाईन्दे
विञाए वेठा
पंहिंजी गरमी
जंहिं खे
इनसानी कुधियुनि
बुखियुनि ॻिझुनि
हिकदम
तसलीम कयो
हिक मौक़ाइती कुर्बाइती नींड
‘बदबूइ ऐं सर्द जिस्म!’
इसानी ॻिझुनि
थॾे ते भांपे वरितो तः
इशारो ऐं मौक़ो
गॾिजी ई ईन्दा आहिनि।
ऐं
हुननि ॾेॼारीन्दे हवा में
वाका कया:
हलो हलो
भॼो हितां जल्दी
हींअर

भयानक हिक बीमारी
प्रकट थियणी आहे!
पाण सां मोह रखन्दड़ हयातियूं
थी वेयूं खारीअ हेठां कांउ
तॾहिं बदबू उथी खड़ी थी
ऐं
मुस्कुरायो
पखियुनि ऐं ॻिझुनि ॾांहुं निहारे।
ॻिझुनि हिकदम
खॻियूं हणी चयो
‘दोस्तो! अचो अचो,
कटियो कटियो,
क़ीमती हथ, ॿांहूं नक कन
सभु मुर्दा आहिनि,
असीं ई कटण आयूं आहियूं
धप सहन्दड़ बहादुर
असां ई हक़दार आहियूं।’

(अदबी चमन-2003)