हिक ॾींहु / महेश नेनवाणी

1.

हिक ॾींहुं उभ में
ॾेढु चंडु निकिरन्दो
हिक ॾींहुं भितियुनि ते
फसुलु फूलारिजन्दो

2.

हिक ॾींहुं कारे तए ते
सिज जे फुलके खे सेकीन्दुसि
हिक ॾींहुं मुंहिंजुनि फूकुनि सां
सितारा वधीक रोशन थी
सिगिरीअ मां उॾामन्दा।

3.

हिक ॾींहुं वाङिराई बादलनि खे
पंहिंजे बदन ते निपूड़ीन्दुसि
हिक ॾींहुं सुराही मूं खे
शराब सां सनानु कराईन्दी

4.

हिक ॾींहुं कोई हिकु ॾांदु
अछनि पहाड़नि खे पंहिंजे
सिङनि ते खणी भॼी वेन्दो
हिक ॾींहुं कोई वणु
मूं खे साओ रङे वेन्दो।