यह देखो कचहरी
कचहरी में मेला
अगर कुछ लेबै के हो
तब तहूं कुछ देला
की कह रहलो हे वकील
कि तोहर मामला हो जाली?
उग लतो तब
जब कर देबा अपन जेब खाली
हकीकत उड़ जैतो,
जेकरे पर मोकदमा हो
ओकरे दने घुर जैतो
हम तो जर जाही,
मोकदमा के नाम जे ले हे
ओकरा पर उखड़ जाही
हम्हूं लड़लू हे केस,
देखले हे
पैसा के दउड़इत
ओकर रेस
तोरा नै होतो ई अंदाज,
कि हमरो हलै
कभी तख्त और ताज
हलै रूपैया
बोरा के बोरा,
दरवाजा पर
बंधल हल हाथी अउ घोड़ा
लेकिन ई मोकदमा?
हे बबुआ,
नरक तो नरक हे
सरगो में सदमा।
मोकदमा डाक दे दे हे।
मर जा है आदमी
जीवन तलाक दे दे हे।