1,792 bytes added,
13:34, 29 दिसम्बर 2017 {{KKGlobal}}
{{KKRachna
|रचनाकार=मनोज चारण 'कुमार'
|अनुवादक=
|संग्रह=
}}
{{KKCatKavita}}
{{KKCatRajasthaniRachna}}
<poem>
कुए की छाया कुए मैं रैगी,
बात बणे ही, बस बणती बणती रैगी।
रोकणे की कोशिस ही नदी की धार नै रेत स्युं,
पण रेत ही, पाणी कै सागै ई बैयगी।१।
कुए की छाया कुए मैं ई रैगी,
बायी तो आसमाना ही, पण पताळ कानी बैगी,
ईच्छा तो ही मोकळी, करालां काम सांतरों,
पण मनचीती तो भाईड़ा मन-की-मन मैं ई रैगी।२।
कुए की छाया कुए मैं ई रैगी,
माटी पाळ आळी बस बालै मैं बैगी,
पाळ बांधणे की कोशिस करी जका पिढ़यां ताणी,
बणाई ही माटी की पाळ जकी, पाळ बा ढैगी।३।
कुए की छाया कुए मैं ई रैगी,
काळती गाय खूँटे बंधी ही, बंधेड़ी ई रैगी,
धोळीया की जगां भूरिया आके ले भाग्या,
भूर बंटे ही आजादी की, बंटती ई रैगी।४।
</poem>