955 bytes added,
12:47, 17 अप्रैल 2010 {{KKGlobal}}
{{KKRachna
|रचनाकार=जगन्नाथदास 'रत्नाकर'
|संग्रह=उद्धव-शतक / जगन्नाथदास 'रत्नाकर'
}}
{{KKCatKavitt}}
<poem>
आँसुनि कि धार और उभार कौं उसांसनि के
::तार हिचकीनि के तनक टारि लैन देहु ।
कहै रतनाकर फुरन देहु बात रंच
::भावनि के विषम प्रपंच सरि लेन देहु ॥
आतुर ह्वै और हू न कातर बनावौ नाथ
::नैसुक निवारि पीर धीर धरि लेन देहु ।
कहत न आबै हैं कहि आवत जहाँ लौं सबै
::नैकु थिर कढ़त करेजौ करि लेन देहु ॥109॥
</poem>