हुई उम्मीद त रोशन दिमाग पसंदासीं,
ख़बर हुई न त चिबिरा ऐं ज़ाग़ पसंदासीं।
खि़यालु हो, कंदो दिलबर जो रुखु़ शकी सिज खे,
मगर न कोढ़ जा हिअं दाग़-दाग़ पसंदासीं।
हुई न कल, त थिबो दरबदर ऐं ख़ाक बसर,
असां त समुझो हो, फ़रहत फ़राग़ पसंदासीं।
चुभनि था ख़ार, ऐं बर में सुके थो साहु हिंअर,
हुई उम्मीद त जन्नत जा बाग़ पसंदासीं।
असांजे लेखे, नओं घरु असां जो भी थींदो,
पुठियां न पंहिंजे, सिपाही सुराग़ पसंदासीं।
ॾियो न, तेलु न, तीली न, वटि न, ऊंदहि आहि,
असांजो ख़वाबु हो, चौधरि चराग़ पसंदासीं।