पड़इ बूने नाहीं भइया
अइलइ बरसा के समइया
झखइ दुअरी पर मजूर
किसनमां हो भाय
जरइ जिनगी के सपरल
सपनमां हो भाय!
धिप्पल खपरी भेलइ धरतिया
जरि जुरि भंुजा भेलइ जजतिया
अगिया उगलइ हकह किरिनियाँ
जरे बदनमां हो भाय!
लहलह धिप्पल घर अँगनमा
तड़-तड़ चूअहई घाम पसेनमां
तनियो सिक न´ डोलइ कन्नउं
हाय, पवनमां हो भाय!
उखबिखाल गरमी से मनमां
मिले कनउं न´ अब तब छहुरी
में ही अकबक
छूटत परनमां हो भाय
इन्नर बाबा दरसऽ बरसऽ
सूखल धरती के तू सरसऽ
सरकाहो कुमेहर भेले
जरइ संविधनमां हो भाय!