औरत जो साथी आईनो / हरि दिलगीर

औरत जो साथी आईनो,
आईनो बिल्कुल देरीनो,
हूअ सुब्ह सवेरो उधंदी आ,
आईने में मुंहुं ॾिसंदी आ,
किथि रंगु झकेरो थ्यो आहे,
किथि घुंजु पकेरो थ्यो आहे,
किथि निकितो वारु सफेद नओं,
आईनो चवंदो साफ़ संओं,
हूअ रंगु बणाईंदी आहे,
हूअ घुंजु लिकाईंदी आहे,
हूअ वारु सुफ़ेदु कंदी कारो,
आईनो ॼाणे ॻुझु सारो।
कंहिं सां न कॾहिं कुझु कहंदो आ,
सभु दिल जो दिल में रखंदो आ।
औरत जो साथी आईनो,
आईनो बिल्कुल देरीनो।