अँखिया में
भरि भरि लोर
आहले हइ भोर
भइया हो
चलऽ तनि गउआँ के ओर
कउन दुसमनमां
ई ठूठ करइ बगिया
झांपले गुदड़िया में
देश के जिनगिया
भूख सहइ जिया के मचोर
अरिया पर लोरे झोरे
हकासल बुतरूआ
सोना सन जुआनी जोर
जेठ दोपहरिया
टुटही मड़इया के चिजोर
लाज शरम धो-धो
पीअइ जुठखोरवा
जुल्मी के बफादार
टांगऽ हइ बंदुकवा
धरती माय के अँखिया में लोर
उगि गेलइ टुहटुह
ललकी किरिनियाँ
तोड़ऽ भइया हारल-गारल
सब अपन निनियाँ
होबउ लगलो सगरे इंजोर