पंहिंजनि सपुननि जो महलातु,
नेठि त पसंदासीं साक्षातु।
नाहि सदाई लइ हीअ राति,
नेठि त थी वेंदी प्रभाति।
हॾ ऐं चम खे पार करे,
ज़ाहिर थींदी पंहिंजी ज़ाति।
जीअ में जरिके जोति पई,
सिजु ऐं चंडु कन्दासीं माति।
जीवन-झरिणे जे हुन पारि,
तो सां मिली कन्दासीं ”हानि“।
सर्सु सवनि संगितियुनि खां,
हूंदी पंहिंजी चुप्पि चपाति।
पोइ ॾिसिजि गोरीअ जो रूपु।
ॾिखिजी ईंदी पंहिंजी ॾाति।
हद जो बंदर पार करे,
पसंदासीं बेहद जी बाति।