991 bytes added,
22:42, 2 दिसम्बर 2013 {{KKGlobal}}
{{KKRachna
|रचनाकार=राजेश कुमार व्यास
|संग्रह=
}}
{{KKCatRajasthaniRachna}}
{{KKCatKavita}}
<poem>जागूं जणै
उजास हुय जावै
उजास, जीवण है।
अंधारो हुवै जणै
नींद आ जावै
नींद, मिरतु है।
लिखूं जणै
अकास हुय जावूं
अकास, मन है।
सोवूं जणै
सुपना आवै
सुपना, अकास है।
मिंदर जावूं जणै
अरदास करूं
अरदास, पछतावो है।
नीं पड़ै पार जणै
रीस आवै
रीस, अंतस रो डर है।
उजास / नींद/
अकास / सुपना
अरदास / रीस-
आं सगळां नैं
भेळा कर
जीवूं ओ जीवण।</poem>