1,247 bytes added,
06:54, 28 जून 2017 {{KKGlobal}}
{{KKRachna
|रचनाकार= मधु आचार्य 'आशावादी'
|संग्रह=अमर उडीक / मधु आचार्य 'आशावादी'
}}
{{KKCatRajasthaniRachna}}
{{KKCatKavita}}
<poem>
खेत री जमीन खातर
लड़ पड़िया हा
दोनूं भाई
रामियो अर स्यामियो।
कोरट मांय कर दियो मुकदमो
ब्यावं-मरण खतम
भाईपै री बातां मांय
नीं रैयो दम।
गांव आळा नेताजी नै बुलायो
भायां रो दुखड़ो सुणायो
भाईपै खातर मांगी मदद
नेताजी हुयग्या त्यार
अलग-अलग बातां सूं
केई महीना काढया
भाई जावता,हाजरी बजावता
ग्यान री बातां सुण
थोड़ा महीनां बांद
भायां रो झोड़ मिटग्यो
पूरो खेत ई
नेताजी रै नांव हुयग्यो।
</poem>
Delete, Mover, Protect, Reupload, Uploader