1,247 bytes added,
15:19, 3 अप्रैल 2018 {{KKGlobal}}
{{KKRachna
|रचनाकार=[[ॠतुप्रिया]]
|अनुवादक=
|संग्रह=ठा’ नीं कद हुज्यावै प्रेम / ॠतुप्रिया
}}
{{KKCatKavita}}
{{KKCatRajasthaniRachna}}
<poem>
टाबर
इस्कूल जांवती टैम
क्यूं करै रोवा-कूकौ
अर बात-बात माथै
क्यूं ढूंढै रोवणै रौ भानौ
पछै रोंवता-टसकता
होळै-होळै पगलिया धरता
अर आपरै बस्तां नै
मगरां माथै लाद्यां
टाबरिया जावै इस्कूल
पण इस्कूल स्यूं घरां आंवती टैम
आखै रस्तै बै’ उछळता-कूदता
हाँसता-मुळकता
अर किलकार्यां मारता बगै
बस्तै रौ बोझ ई
बांनै नीं लागै बोझ
बौ’ दिन
कद आ सी
जिण दिन
टाबर हाँसता-मुळकता
इस्कूल जा सी।
</poem>
Delete, Mover, Protect, Reupload, Uploader