भारत की संस्कृति के लिए... भाषा की उन्नति के लिए... साहित्य के प्रसार के लिए

टाबर अर इस्कूल / ॠतुप्रिया

Kavita Kosh से
यहाँ जाएँ: भ्रमण, खोज

टाबर
इस्कूल जांवती टैम
क्यूं करै रोवा-कूकौ
अर बात-बात माथै
क्यूं ढूंढै रोवणै रौ भानौ

पछै रोंवता-टसकता
होळै-होळै पगलिया धरता
अर आपरै बस्तां नै
मगरां माथै लाद्यां
टाबरिया जावै इस्कूल

पण इस्कूल स्यूं घरां आंवती टैम
आखै रस्तै बै’ उछळता-कूदता
हाँसता-मुळकता
अर किलकार्यां मारता बगै
बस्तै रौ बोझ ई
बांनै नीं लागै बोझ

बौ’ दिन
कद आ सी
जिण दिन
टाबर हाँसता-मुळकता
इस्कूल जा सी।