2,031 bytes added,
03:41, 25 अगस्त 2023 {{KKGlobal}}
{{KKRachna
|रचनाकार=निर्मला पुतुल
|अनुवादक=सुमन पोखरेल
|संग्रह=
}}
{{KKCatKavita}}
<poem>
के हुँ म तिम्रा लागि ?
एउटा सिरानी,
कतैबाट थकित भएर आयो
र जसमा टाउको बिसादियो
कुनै काँटी,
निरसता, उदासी र थकानले भरिएको
कमेज फुकाल्यो र जसमा झुन्ड्याइदियो,
या आँगनमा टाँगिएको डोरी
जसलाई घरभरीका लुगा बटुलेर बोकाइदियो
कुनै घर,
जहाँबाट बिहान निस्कियो र
साँझमा फर्कियो
कुनै डायरी,
जसमा जहिले मन लाग्यो तहिले
केके जाति लेखिदियो
मौन उभिएको भित्तो,
जसमा जतिखेर जहाँ मन लाग्यो
काँटी ठोकिदियो
कुनै भकुन्डो,
जसलाई बेला कुबेला
हुत्याइ-समाइ खेलिदियो
या कुनै ओढ्ने-ओच्छयाउने,
जसलाई जहिलेतहिले जहाँतहाँ जथाभावी
ओढिदियो, ओच्छ्याइदियो
किन नबोलेको ?
भन न, के हुँ म
तिम्रा लागि ??
......................................................................
'''[[क्या हूँ मैं तुम्हारे लिए... / निर्मला पुतुल |इस कविता का मूल हिन्दी पढ़ने के लिए यहाँ क्लिक करें ।]]'''
</poem>