1,246 bytes added,
14:46, 11 अगस्त 2024 {{KKGlobal}}
{{KKRachna
|रचनाकार=सानु शर्मा
|अनुवादक=
|संग्रह=
}}
{{KKCatGhazal}}
{{KKCatNepaliRachna}}
<poem>
जलाएर सपना आँखामा, बिउँझैछु म
बोकेर छातीभरी आगो, हिउँझैँ छु म
जति दियौ सबै लिएँ, हाँसेँ, मुस्कुराएँ,
बचेका छन् आँसु, तिनलाई पिउँदैछु म
पलछिनको साथ थियो तिमीसँगको
बटुली ती समयका टुक्रा सिउँदैछु म
तिमी अझै धडकिरहेछौ यो मुटुभित्र
प्रमाण अरू के दिऊँ भन, जिउँदैछु म
भेटिएलाऊ तिमी भनी आँखा डुलाई हेर्छु
के तिमीलाई पनि कतै भेटिऊँझैँ छु म ?
तेरा चोट बटुलेर गजल लेखेँ मैले, सानु
के तेरा लागि पनि केही लेखिऊँझैँ छु म?
</poem>