भारत की संस्कृति के लिए... भाषा की उन्नति के लिए... साहित्य के प्रसार के लिए
कुतियो / श्याम महर्षि
Kavita Kosh से
आशिष पुरोहित (चर्चा | योगदान) द्वारा परिवर्तित 14:04, 12 जनवरी 2011 का अवतरण (नया पृष्ठ: {{KKGlobal}} {{KKRachna |रचनाकार=श्याम महर्षि |संग्रह=अड़वो / श्याम महर्षि }} [[Category:…)
घरां पाळैड़ो
कुतियो
म्हारो हाथ चाटतां-चाटतां
अबै गुर्रावण लागग्यो है,
क्यूं कै
उण री संगत अबै
कुतियां सागै कम
अर मिनखां सागै
घणी हुवण नै लागगी है,
बो अबै खावै नीं
पण गुर्रावै घणौ है
बो जाणै/कै खावणै सूं
डरावणो घणो जरूरी है।
