भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 71 से 80/पृष्ठ 6
Kavita Kosh से
Dr. ashok shukla (चर्चा | योगदान) द्वारा परिवर्तित 14:59, 5 जून 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
(76)
बिनती भरत करत कर जोरे |
दीनबन्धु! दीनता दीनकी कबहुँ परै जनि भोरे ||
तुम्हसे तुम्हहि नाथ मोको, मोसे जन तुमको बहुतेरे |
इहै जानि, पहिचानि प्रीति, छमिए अघ-औगुन मेरे ||
यों कहि सीय-राम-पाँयनि परि लषन लाइ उर लीन्हें |
पुलक सरीर, नीर भरि लोचन, कहत प्रेम-पन-कीन्हें ||
तुलसी बीते अवधि प्रथम दिन जो रघुबीर न ऐहौ |
तौ प्रभु-चरन-सरोज-सपथ जीवत परिजनहि न पैहौ ||
