भारत की संस्कृति के लिए... भाषा की उन्नति के लिए... साहित्य के प्रसार के लिए
माई मन के मोहन/ तुलसीदास
Kavita Kosh से
Dr. ashok shukla (चर्चा | योगदान) द्वारा परिवर्तित 16:13, 12 जून 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास }} {{KKCatKavita}} Category:लम्बी रचना {{KKPageNavigation |पीछे=ग…)
20
माई मनके मोहन जोहन-जोग जोही |
थोरी ही बयस गोरे-साँवरे सलोने लोने,
लोयन ललित, बिधुबदन बटोही ||
सिरनि जटा-मुकुट मञ्जुल सुमनजुत,
तैसिये लसति नव पल्लव खोही |
किये मुनि-बेष बीर, धरे धनु-तून-तीर,
सोहैं मग, को हैं, लखि परै न मोही ||
सोभाको साँचो साँवरि रुप जातरुप,
ढारि नारि बिरची बिरञ्चि, सङ्ग सोही |
राजत रुचिर तनु सुन्दर श्रमके कन,
चाहे चकचौन्धी लागै, कहौं का तोही ||
सनेह-सिथिल सुनि बचन सकल सिया,
चिती अधिक हित सहित ओही |
तुलसी मनहु प्रभु-कृपाकी मूरति फिरि
हेरि कै हरषि हिये लियो है पोही ||
