भारत की संस्कृति के लिए... भाषा की उन्नति के लिए... साहित्य के प्रसार के लिए
चोथो फेरौ / अर्जुनदेव चारण
Kavita Kosh से
आशिष पुरोहित (चर्चा | योगदान) द्वारा परिवर्तित 13:50, 24 नवम्बर 2011 का अवतरण ('{{KKGlobal}} {{KKRachna |रचनाकार=अर्जुनदेव चारण |संग्रह=घर तौ एक ना...' के साथ नया पन्ना बनाया)
थारौ भोग
म्हारौ सोभाग
थारी रीस
म्हारै पूरबलै जलम रौ करम
थारी उमर
म्हारै माथै री राती रेख
वा इज
म्हारौ सिणगार
थनै रिंझावण
म्हैं पैरूंला गाभा
थनै रमावण
म्हैं खोलूंला गाभा
म्हारी जूंण री अंताखरी
थनै जीतावूंला हमेसा
लौ
म्हैं
चौथौ फेरौ लेवूं।
