यदि इस वीडियो के साथ कोई समस्या है तो
कृपया kavitakosh AT gmail.com पर सूचना दें
कृपया kavitakosh AT gmail.com पर सूचना दें
दिल चुरावे ना आवेला उनका
गुल खिलावे ना आवेला उनका
बात के त लगा लेलें दिल से
दिल लगावे ना आवेला उनका
जान से जादा चाहेलें हमके
ई बतावे ना आवेला उनका
साध लागेला हमरो कि रुसीं
पर मनावे ना आवेला उनका
बाड़े गजबे छलक जालें कतहूं
गम छुपावे ना आवेला उनका
सब पे विश्वास कर लेलें भावुक
आजमावे ना आवेला उनका