भारत की संस्कृति के लिए... भाषा की उन्नति के लिए... साहित्य के प्रसार के लिए
दिल चुरावे ना आवेला उनका / मनोज भावुक
Kavita Kosh से
Lalit Kumar (चर्चा | योगदान) द्वारा परिवर्तित 12:47, 1 सितम्बर 2013 का अवतरण
दिल चुरावे ना आवेला उनका
गुल खिलावे ना आवेला उनका
बात के त लगा लेलें दिल से
दिल लगावे ना आवेला उनका
जान से जादा चाहेलें हमके
ई बतावे ना आवेला उनका
साध लागेला हमरो कि रुसीं
पर मनावे ना आवेला उनका
बाड़े गजबे छलक जालें कतहूं
गम छुपावे ना आवेला उनका
सब पे विश्वास कर लेलें भावुक
आजमावे ना आवेला उनका
