भारत की संस्कृति के लिए... भाषा की उन्नति के लिए... साहित्य के प्रसार के लिए
कमाऊ / रामस्वरूप किसान
Kavita Kosh से
Sharda suman (चर्चा | योगदान) द्वारा परिवर्तित 13:58, 17 अक्टूबर 2013 का अवतरण
आजकल म्हैं
भौत काम करूं
जोड़ायत रै
छोटै-छोटै
सपनां री
कतल करूं
उण री
मरूभौम आंख्यां में
अभाव रा ठूंठ जोवूं
टाबरां री तार-तार नीकरां में
भविख रौ गणित काढूं
मांगतोड़ा सारू
नुवां नुवां उळावा सोधूं
आजकाल म्हैं भोत खपूं-
छिन-छिन रै
जीवणै सारू
जिग्यां बणावूं अर
छिन-छिन रै
सोरै सांसां रौ
मौल कूंतूं
आजकाल म्हैं भौत खपूं।
