भारत की संस्कृति के लिए... भाषा की उन्नति के लिए... साहित्य के प्रसार के लिए
छोरौ / रामस्वरूप किसान
Kavita Kosh से
Sharda suman (चर्चा | योगदान) द्वारा परिवर्तित 14:00, 17 अक्टूबर 2013 का अवतरण
छोरौ बम्बई में
मुनीमी करै
छुट्टी आयौ है आज
हिवड़ै हुळस नीं समावै
साथी-संगळियां
अर भायला सूं
बांथमबांथ मिलै
बास बगड़ री
काकी-ताई, भाभियां साम्हीं
मन खोलै
आखै गांव नै
खांधै चक नाचणौं चावै
इबकै लागै जाणै
काम पर ओखौ जासी
लारलै साल ई
टेसण पर
बापू रै खांधै लाग
भोत रोयौ हो
मां घणै दिनां तांईं
उदास रैयी।
