Last modified on 17 अक्टूबर 2013, at 14:02

ओ गांव है / रामस्वरूप किसान

Sharda suman (चर्चा | योगदान) द्वारा परिवर्तित 14:02, 17 अक्टूबर 2013 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

बेटी टूरै
बाबल री पोळ सूं

उण रै हिवड़ै
ओळूं रै मथीजतै सबदां नै
सुर देवै
देळयां ऊभी
बास-बगड़ री लुगाईंयां
अर आंख्यां पूंछै
गळी बगता लोग

बो देख आटै सूं ल्याड़योड़ै हाथां
बाबल रै बांथ घाल
कुण सुबकै ?

अर बो देख
होकौ भरतौ
बेवणी री आग
आंसुवां सूं ठंडी कुण करै ?

ओ गांव है बावळा !
एक काळजै धड़कतौ गांव।