भारत की संस्कृति के लिए... भाषा की उन्नति के लिए... साहित्य के प्रसार के लिए
फेर रिसाणा व्हेग्या लोग / सत्येन जोशी
Kavita Kosh से
Sharda suman (चर्चा | योगदान) द्वारा परिवर्तित 16:07, 17 अक्टूबर 2013 का अवतरण
फेर रिसाणा व्हेग्या लोग
किण संचै में ढळग्या लोग
निजरां तेज सूझणी अकलां
पण खाडै में पड़ग्या लोग
म्हां तौ एक आंख फेरी ही
बस इतरै में डरग्या लोग
घोड़ा मोलावण सूं पैला
आपस में कट मरग्या लोग
म्हां तो आन बान पर कटग्या
लाज सरम नै चरग्या लोग
विस रा दांत कदै का खिरग्या
फूंफाड़ै सूं डरग्या लोग
