Last modified on 20 अक्टूबर 2013, at 10:36

ममता रो मिन्दर माँ / शिवराज भारतीय

Sharda suman (चर्चा | योगदान) द्वारा परिवर्तित 10:36, 20 अक्टूबर 2013 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

लाड कोड रो समंदर मां,
मो‘ ममता रो मिदंर मां।

चोखी-चोखी बात सुणावै,
लोरी गा‘र सुआवै मां।

मां कैयां मुंडो भर आवै,
हियै हेत सरसावै मां।

मिनख भलाई बणै डोकरो,
उणनै समझै टाबर मां।

सगळा तीरथ धाम उठै ई,
जिण घर हरखै मुळकै मां।

मां री होड़ करै कुण दूजो,
परमेसर भी पूजै मां।