देखहु री ननदी बन के हरिनिया, लुहिरि-लुहिरी दूभिया चरैला, वरु चरैला।
चरै देहु ननदी बन के हरिनिया, हो वरु चरैला, चरै देहु मोरे ननदी हे।।१।।
लेहसु री ननदी पान के दोकनिया, हमहूँ लेहब गुअवा नरियर,
पानवा बेंचत जोगिया के देखब।
अवसू री ननदी पान मीता भेंटसु जोगिया अती बड़ा सुन्दर।।२।।
अरे अरे भइया बाट के बटोहिया, एही बाटे देखले जोगिया के जाइत,
जोगिया अती बड़ा सुन्दर।
देखे के देखलीं हाजीपुर हटिया, जोगिया अती बड़ा सुन्दर।।३।।
तरे होखू, तरे होखू बनवा, ऊपर होखू धरती,
ताही ए चढ़ी जोगिए के देखब, जोगिया अति बड़ा सुन्दर।।४।।
सगरे ओझइनीपुरबा हमें घूमी अइनी, पीछवा उलटि हेरे, जमुना के तीरवा,
जोगिया नइया चढ़ी बइठे।।५।।