भारत की संस्कृति के लिए... भाषा की उन्नति के लिए... साहित्य के प्रसार के लिए
नर-नारी / कालीकान्त झा ‘बूच’
Kavita Kosh से
Sharda suman (चर्चा | योगदान) द्वारा परिवर्तित 19:11, 30 अप्रैल 2014 का अवतरण ('{{KKGlobal}} {{KKRachna |रचनाकार=कालीकान्त झा ‘बूच’ |अनुवादक= |संग...' के साथ नया पन्ना बनाया)
र तँ डहैट सूरूज, नारी बहैत गंगा
ई प्रेम केर पूजन ओ नेम केर दंगा
नर गील-गील कादो नारी अनूप मूरति
नर तँ अनंग जऱल नारी अनंग सूरति
नर सर्पपीठ शायी, नारीक नाम कमला
नर आदि सं मसानी नारी अनंत विमला
ओ राजनीति स्याही ई लोकरीति लाली
नर जीव एक निर्मल नारी कराल काली
ओ टेढ़ठाढ़ कान्हा ई सोझसाझ राधा
ओ भाग एक कारी ई गोर चान आधा
सभ शक्ति सं समन्वित नारी सुखक स्वरूपा
ई भक्ति केर सोना ई ज्ञान केर रूपा
अयलीह आइधरि तोँ नर सं पबैत बाधा
ई स्वर्ग केर बुलबुल ओ मर्त्य केर व्याधा
