भारत की संस्कृति के लिए... भाषा की उन्नति के लिए... साहित्य के प्रसार के लिए
जन्मोच्छव राधिका कुँवरि / हनुमानप्रसाद पोद्दार
Kavita Kosh से
Mani Gupta (चर्चा | योगदान) द्वारा परिवर्तित 19:07, 30 मई 2014 का अवतरण ('{{KKGlobal}} {{KKRachna |रचनाकार=हनुमानप्रसाद पोद्दार |अनुवादक= |...' के साथ नया पन्ना बनाया)
जन्मोच्छव राधिका कुँवारि कौ कीरति गीत गवाए जू।
मंगलचार कराए बहु बिधि, घंटा-संख बजाए जू॥
भाँति-भाँति के असन-बसन-भूषन बहुमोल मँगाए जू।
बिप्रन्हि न्यौति, जिमाय भली बिधि, तिनकौं दान कराए जू॥
नंद जसोदा-रोहिनि दाऊ-कान्हा सँग लै आए जू।
गोपी-गोप-सहित सब कै मन अति आनंद भराए जू॥
स्वागत करि, वृषभानु नृपति नैं सादर घर पधराए जू।
कीरति कान्हहि, जसुमति कुँवारिहि लै निज गोद खिलाए जू।
मोद भरी नारी दुहुँ दिसि की हँसि हँसि मंगल गाए जू॥
