जय राधे, जय जय राधे / हनुमानप्रसाद पोद्दार

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

हनुमानप्रसाद पोद्दार » पद-रत्नाकर / भाग- 4 »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जय राधे, जय जय राधे।
 जय राधे, जय जय राधे॥
रावल में छायौ आनंद।
 प्रगटी राधा आनँद-कंद॥-जय०
नंदीसुर तें आये नंद।
 लीन्हे सँग उपनंद, सनंद॥-जय०
जसुदा मैया रोहिनि संग।
 दा‌ऊ-कान्हा लिये उछंग॥-जय०
रैंदा-पैंदा, तोक-सुदाम।
 मधुमंगल, मनसुख, सुखराम॥-जय०
दधि-माखन कौ लै उपहार।
 पहुँचे सब सज-सज सिंगार॥-जय०
नृप बृषभानु मुदित भ‌ए देख।
 स्वागत कर मन हरष बिसेष॥-जय०
जसुदा-रोहिनि भीतर जाय।
 मिली कीर्तिदा अति हरषाय॥-जय०
लाली कौं अति लाड़ लड़ात।
 जसुदा-मन नहिं मोद समात॥-जय०
लाला के मुख मोद अपार।
 निरख करत सब जै-जै कार॥-जय०