हरियाणवी लोकगीत ♦ रचनाकार: अज्ञात
कहिये री उस खाती के लड़के ने खाती के लड़के ने
चौकी तै ल्यावै म्हारे लाल ने
चौकी तै ल्यावै हमारे राय रतन सिंह नै छेल बदनसिंह ने
हर मथुरा जी के लाल ने
कहिये री उस कुम्हरे के लड़के ने कुम्हरे के लड़के ने
कूंडा तै ल्यावै म्हारे लाल ने
कहिये री उस चमरे के लड़के ने चमरे के लड़के ने
जूते तै ल्यावै म्हारे लाल ने
कहिये री उस दर्जी के लड़के ने दर्जी के लड़के ने
कपड़े तो ल्यावै म्हारे लाल ने
कहिए जी उस मामा जी भड़वे ने मामा जी भड़वे ने
जामा तै ल्यावै म्हारे लाल ने
कहिए री उस म्हारे समधि ने म्हारे समधी ने
बनड़ी तै ब्याह्वै म्हारे लाल ने
बनड़ी तै ल्यावै म्हारे राय रत्न सिंह ने छेल बदन सिंह ने
हर मथुरा जी के लाल ने