म्हारे घेर में आ रह्या री बटेऊ / हरियाणवी

हरियाणवी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

म्हारे घेर में आ रह्या री बटेऊ, साथण का लणिहार
साथण चाल पड़ी मेरे डब डब भर आये नैण
अपणी साथण नै घाघरा सिमा द्यूं नाड़ा झुब्बेदार,
साथण चाल पड़ी मेरे डब डब भर आये नैण
अपणी साथण नै मैं चूंदड़ी रंगा द्यूं, फूल पड़े हजार,
साथण चाल पड़ी मेरे डब डब भर आये नैण
अपणी साथण नै मैं सासरे खंदा द्यूं गैल बटेऊ जा,
साथण चाल पड़ी मेरे डब डब भर आये नैण
अपणी साथण नै मैं तावली मंगा ल्यूं, भेजूं माई जाया बीर
साथण चाल पड़ी मेरे डब डब भर आये नैण