भारत की संस्कृति के लिए... भाषा की उन्नति के लिए... साहित्य के प्रसार के लिए
बदलैत दुनियाँ / कालीकान्त झा ‘बूच’
Kavita Kosh से
Sharda suman (चर्चा | योगदान) द्वारा परिवर्तित 17:41, 13 अगस्त 2014 का अवतरण ('{{KKGlobal}} {{KKRachna |रचनाकार=कालीकान्त झा ‘बूच’ |अनुवादक= |संग...' के साथ नया पन्ना बनाया)
देवीजी उपकेंद्रक वाइफ छथि मेडीकल
साँची छन्हि "ठाढ़ी" मे आँचर " बहेरा" अंचल
अन्हरा ई दुनियाँ आ नेंगरा जमाना रौ
भनसाघर भासल आ पक्की पखाना रौ
बीकल घरारी पर भूखल छी भोजन नहि
चाहक हम पान करी आनक प्रयोजन नहि
बाहर मे हिंजड़ा आ भीतर मे लूपे छै
हमरा ले डगरा आ अपना ले सूपे छै
सुनियो क' सूनी नहि देखियो क' सूरदास
दिनुका विहन्न्ला छी रतुका अज्ञातवास
नाड़ी भेलि तेज आब आबि गेल ब्लडप्रेसर
औरदा अछैते हम मरबै हौ नागेसर...
