कित छोड़ एकली चाल्या जावै / करतार सिंह कैत
पत्नी: कित छोड़ एकली चाल्या जावै, मेरे कोन्या बात समझ म्हं आवै
साच बता भरतार ओ दिलदार ओ पिया
पति: मनै चै रोज रात दिन होगा जाणा सुत्ता पड़ा समाज जगाणा
मैं करूं मिशन प्रचार रै मेरी नार रै गौरी
पत्नी: किस तरियां का मिशन बता
मनै नहीं मिशन का बेरा हो मनै नहीं मिशन का बेरा
पति: मिशन सुणे पाछै हो ज्यागा दिल का दूर अंधेरा
तेरा मतलब समझिये नहीं कहण का
काम नहीं इब घरां रहण का, क्यूं करर्ही तकरार रै मेरी नार
पत्नी: कित छोड़ एकली...
पत्नी: थोड़ा मिशन सुना दे पिया
कुछ मेरा पेट्टा भरज्या हो कुछ मेरा पेट्टा भर ज्या
पति: जाति तोड़ समाज जोड़ यू नारा पक्का कर ले
बस यू नारा पक्का कर ले
पत्नी: सै परले पार तिरण का मौका
मतना खाइये साजन धोखा, करो खूब मिशन प्रचार हो भरतार
पत्नी: कित छोड़ एकली...
पत्नी: तेरी बातां तै जाण पटी कुछ थोड़ा और बताइये
पति: तू अपणे आप समझ लेगी मेरी गेल मिशन मैं आइये
पत्नी: मैं राजी तेरी गेल जाण मैं
पति: इब समझी सै कई हाण मैं, आजा होकै तैयार रै मेरी नार
पत्नी: कित छोड़ एकली...
पत्नी: तावला करकै चाल पिया जी टेम हो लिया ज्यादा
सही टेम पै ना पहुँचे ज्या के जावण का फैदा
पति: तेरा अटल इरादा मन को भावै
मिशन सुणावण खातर आवै, ओड़ै कोकतिया करतार
पत्नी: कित छोड़ एकली...
