मोहन! मो नयनन के तारे / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

श्रीकृष्ण के प्रति
राग देवगान्धार, तीन ताल 21.6.1974

मोहन! मो नयनन के तारे।
दरसनकों तरसहिं नित नयना, कहाँ छिपे हो प्यारे!
जुग-जुगसों यह साध सँजोई, पथ पेखत चखहारे।
हाय दई! का भई चूक जो अब लौं नाहिं पधारे॥1॥
विरहानल अति प्रबल प्रानधन! जुग-जुगसों जिय जारे।
कृपा-वारि बरसावहु प्यारे! तरसहिं प्रान हमारे॥2॥
है अति आकुल हियो हाय! हम जनम-जनम पचि हारे।
निरबलपै बल अजमावहु तुम, कैसे चरित तिहारे॥3॥
‘दीनानाथ’ कहावत हो तुम, का यह विरद विसारे।
दीन मोन सम तलफत है यह, काहे न लेहु उबारे॥4॥
कहा कहों, का तुम नहिं जानहु, अब सब विधि हम हारे।
हारे के तो तुम बिनु मोहन! और न कोउ सहारे॥5॥
तारे तुमने जीव अनेकन, हम हि भये क्यों भारे।
तारत-तारत हार गये का माखन चाखन हारे॥6॥