स्याम बिनु बैरिन कुंज भईं / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राग धनाश्री, तीन ताल 16.7.1974

कासों कहों हिये की बात।
तुम बिनु मेरे प्राननाथ! कोउ अपनो कहुँ न लखात॥
अपने हूँ सपने बनि बैठे, कैसे जिया जुड़ात।
मन में रहत कुलबुली प्रतिपल, पन्थ न न कोउ लखात॥1॥
जिय की जरनि जरात निरन्तर, बनत न दीखत बात।
कलपत-विलपत ही वय बीतत, अन्त दिखत नियरात॥2॥
अपने में अपनो न रह्यौ कछु, तुमहुँ सुनहु नहिं बात।
कैसे धीरज होय दयानिधि! जीवन यों ही जात॥3॥
कहा कहों कुछ समुझि न पाऊँ, आकुल-व्याकुल गात।
कबहुँ कि आय मिलहुगे प्यारे! देखि मोहिं अकुलात॥4॥