इन नयनन नँदलाल बसे री! / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राग आसावरी, ताल धमार 29.9.1974

इन नयनन नँदलाल बसे री!
जब सों लखे तबहि सों सजनी! नयननमें ही आय फँसे री!
करि-करि जतन निकासन चाहे, तदपि न नैंकहुँ कहूँ खसे री!
तिनही में मनहूँ सखि! उरझयौ, कहा करूँ हरि आपु ग्रेसरी!॥1॥
लगी गाँठ यह खुलत न खोलै, प्रीति-वारि सों भीजि ठसे री!
मैं तो विवस भई अब आली! देखि-देखि मोहिं लोग हँसे री!॥2॥
हँसी होय वास खुसी, करूँ का, अब तो हिय में ललन लसे री!
उनही की मैं भई, और सब जग के नाते-नेह नसे री!॥3॥
तद्यपि तनकों विरह तपावत, तदपि न मनसों कबहुँ खसे री!
विरह-लिन दोउनमें आली! रसिकराय रस ह्वै विलसे री!॥4॥
वे रस रूप उनहि सों हिलि-मिलि तन-मन हूँ रस ह्वै सरसे री!
तन-मन को अब भान न सजनी! रस ही रस बस अब बरसै री!॥5॥