अपराजिता / सुरेन्द्र झा ‘सुमन’

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुरेन्द्र झा ‘सुमन’ » अर्चना »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हे सुकेशी! सघन श्यामल केश -राशिक कुंचने
झहरि जाइछ पावसक उमड़ल जलद - माला मने।।1।।
सुमुखि! अहँक सिङारसँ शरदक सिङरहारक दशा
देखितहिँ छी, सहज झरि जाइछ पराजित परवशा।।2।।
मानिनी! मानक भयेँ अछि शिशिर कम्पित गात ई
मुख - कमलकेँ देखि हेमन्तक गलल कमलावली।।3।।
अङ्ग चम्पक सुरभि मातल मलय - वायु दिगन्तमे
बहय जकरहि स्पर्शसँ कुसुमित रसाल वसन्तमे।।4।।
श्यामे! मृदुल कर चरण पल्लव देखि विकसित तनु-लते!
ग्रीष्म मर्मर पत्र व्याजेँ मुरुझि जाइछ संगते।।5।।
नित्य ऋतु - शृंगार सजनहु प्रकृति रहथि पराजिता
हृदय - मन्दिर मूर्ति पूजित सुन्दरी अपराजिता।।6।।