घर पिछुअरवा डोमिन के घरवा / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

घर पिछुअरवा<ref>पीछे</ref> डोमिन के घरवा।
देइ देहि बिनि<ref>बुन दो</ref> डोमिन बेनियाँ<ref>बाँस की कमाची का बना पंखा, व्यजन</ref> नवरँगिया<ref>नौ रंग का</ref>॥1॥
हमरा जे हकइ<ref>है</ref> डोमिन, साँकर<ref>साँकरी, पतली</ref> कोहबरिया।
हमरा के लागइ डोमिन, बड़ी रे गरमियाँ<ref>गरमी</ref>॥2॥
जे तूँहि चाहिं दुलहिन, बेनिया नवरँगिया।
तूँ हमरा देहिं<ref>दो</ref> दुलहिन, सोने के कँगनमा।
कहमा गढ़वले डोमिन, अइसन गढ़नमा॥4॥
तोहर पुतहु किनलन<ref>खरीदा</ref> बेनियाँ नवरँगिया।
ओहि रे देलन मोरा, सोने के कँगनमा॥5॥
भइया खउकी<ref>अपने भाई को खाने वाली, एक गाली विशेष</ref> बाबू खउकी, तूहूँ रे पुतोहिया।
कहमा हेरवलें<ref>भुलाया</ref> अपन, सोने के कँगनमा॥6॥
हमरा जे हलइ<ref>था</ref> सासु, साँकर कोहबरिया।
हमरा के लागइ सासु, एतना गरमियाँ॥7॥
हम जे किनलूँ सासु, बेनिया नवरँगिया।
ओने<ref>उधर से</ref> अवलन<ref>आये</ref> दुलहा दुलरूआ॥8॥
तोहर धानि हकउ बाबू, एता<ref>इतनी</ref> रे सउखिनियाँ<ref>शौकीन</ref>।
कइसे कइसे किनलन बेनियाँ नवरँगिया॥9॥
तोहर दुलार अमाँ, घड़ी रे पहरुआ।
धानि के दुलार अमाँ, हकइ सारी रतिया।
कइसे के बरजूँ<ref>मना करूँ</ref> अमाँ, नाया दुलहिनियाँ॥10॥

शब्दार्थ

<references/>