भारत की संस्कृति के लिए... भाषा की उन्नति के लिए... साहित्य के प्रसार के लिए
पितृ-ऋण / राजकमल चौधरी
Kavita Kosh से
Lalit Kumar (चर्चा | योगदान) द्वारा परिवर्तित 11:43, 5 अगस्त 2015 का अवतरण ('{{KKGlobal}} {{KKRachna |रचनाकार=राजकमल चौधरी |अनुवादक= |संग्रह= }} {{KK...' के साथ नया पृष्ठ बनाया)
हमर पिता छलाह एकटा सार्थक शब्द
हम शब्दक सार्थकताकेँ
अविश्वसनीय कहैत छी
हमर पिता रहैत छलाह मूल्यमेे,
अभिव्यक्तिमे, नीतिमे,
अर्थवत्तामे
हम व्यक्तित्वक मात्र निरर्थकतामे
जीवित रहैत छी
पितृ-ऋणसँ मुक्त होयबाक
आन कोनो उपाय
हमरा नहि अछि
कहिओ नहि हैत
कहिओ नहि हैत
(मिथिला दूत, राजकमल विशेषांक: फरवरी-अप्रील, 1968)