भारत की संस्कृति के लिए... भाषा की उन्नति के लिए... साहित्य के प्रसार के लिए
तकैत हंस समुदाय / नारायण झा
Kavita Kosh से
Lalit Kumar (चर्चा | योगदान) द्वारा परिवर्तित 03:02, 6 अक्टूबर 2015 का अवतरण ('{{KKGlobal}} {{KKRachna |रचनाकार=नारायण झा |अनुवादक= |संग्रह=प्रति...' के साथ नया पृष्ठ बनाया)
अछि कोइली
कोइला सन कारी खटखट
स्वर हुनक छनि
ओतबे मनमोहक
अछि अनघोल एखन सभतरि
कान पाथि कतबो अँखियासब
सुनैक अभ्यास लागि गेल अछि
कौआक काँउ-काँउ
कौआक झाँउ-झाँउ।
अछि कोइली मुँह बिदका बैसल
कौआ सभतरि एखन अछि पैसल
टुक-टुक तकैत हंसक समुदाय
बाट निहारैत, आँखि पसारि
हिनका पर कोनो ने राय-दोहाय
माझ ठाम अछि उल्लू पग-पग
दिन-राति हुनके जयकारा
गेयानी चिड़ै सभ अपन पाँखि समेटि
खोप मे छथि चुप्पे दुबकल
निरतागति भ' रहलै आब चीलो-बाज
बगड़ा-मेना दुबकि डारि त'र
फबकीक क' रहलै विचार
जखने फबकी सुतरि जाइत छैक
लूझि मेटाबय पेटक आगि
नहि त ओ कहैत छैक
हमहुँ करैत छी शाकाहार।
