भारत की संस्कृति के लिए... भाषा की उन्नति के लिए... साहित्य के प्रसार के लिए
मोॅन ललचाबै छै / कस्तूरी झा ‘कोकिल’
Kavita Kosh से
Lalit Kumar (चर्चा | योगदान) द्वारा परिवर्तित 13:58, 29 फ़रवरी 2016 का अवतरण ('{{KKGlobal}} {{KKRachna |रचनाकार=कस्तूरी झा 'कोकिल' |अनुवादक= |संग्र...' के साथ नया पृष्ठ बनाया)
कैहिया शादी करभौ भौजी, होली आबै छै।
तोहर वाला पलंग देखिकेॅ मोॅन ललचाबै छै।
वरतुहार केॅ कमी न लेकिन,
सपना मधुर सगाई।
साले साल लगन बीतै छै,
कब बजतै शहनाई?
बाबू जी के मुँह पर ताला, भैया मोल लगाबै छै,
कैहिया शादी करभौ भौजी, होली आबै छै।
तों साँझैं सें बन कमरा में
हम दरबाजे पेट कुनियाँ।
सुन-सुन लागे खटिया हमरॅ,
तोहर चकमक दुनियाँ।
कहौ कान में भैया जी सें फागुन मोॅन बहकाबै छै।
कैहिया शादी करभौ भौजी, होली आबै छै।
मोल तोल छोड़ी दॅ भौजी।
सुन्नर कनियाँ आनोॅ।
नैं तॅ चुपके शादी करभौं,
हमरोॅ बतिया मानोॅ।
लालच में पड़ला केॅ कारण माय-बाप पछताबै छै।
कैहिया शादी करभौ भौजी, होली आबै छै।
-08.02.07
