जिन्दगी लागै इक समन्दर रं / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » रेत रोॅ राग »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जिन्दगी लागै इक समन्दर रं
मोॅन थरथर करै छै कायर रं
दूर भै गेलै देवघरे सें शिव
मोॅन अभियो छै हमरोॅ काँवर रं
ऊ अनल पानिये दियेॅ पारेॅ
जेकरोॅ दिल में विरह छै बामर रं
हाथ मिलवै लेॅ जों बढ़ाबै छी
हाथ ओकरोॅ बढ़ै छै अजगर रं
कोय अकड़लोॅ होलोॅ अटट्ट रोटी
कोय धीयोॅ में फूली घीवर रं
मोॅन काँचे जकाँ छै जानी केँ
बात फेकै छोॅ कैन्हें पत्थर रं
देवता सृष्टि रोॅ मरी गेलै
भूत नांचै छै सब अखम्मर रं
लोग आबै सुतै चली दै छै
हम्में बिछलोॅ होलोॅ छी चादर रं

-12.8.91